ԱՄՆ նախագահ Դոնալդ Թրամփն ու Չինաստանի նախագահ Սի Ցզինպինը հեռախոսազրույցի ընթացքում քննարկել են իրավիճակը Կորեական թերակղզում։ Այս մասին հայտնել է Reuters-ը՝ վկայակոչելով Չինաստանի պետական հեռուստաընկերությունը։
Չինաստանի առաջնորդը զրույցի ընթացքում շեշտել է Հյուսիսային Կորեայի միջուկային խնդիրը խաղաղ կարգավորելու անհրաժեշտությունը։ Նաեւ նա Թրամփին հայտնել է, որ կողմերը պետք է զսպվածություն դրսեւորեն։
Հաղորդագրության մեջ նշվում է, որ երկրների առաջնորդները համաձայնել են, որ կարեւոր է հասնել Կորեական թերակղզու ապամիջուկայնացմանը, փոխանցում է Gazeta-ն։