Երեւանում օգոստոսի 10-ին դեռահասների մասնակցությամբ դանակահարության դեպքը բացահայտվել է: NEWS.am-ը ոստիկանության մամուլի ծառայությունից տեղեկանում է, որ օգոստոսի 11-ին ժամը 16-ին, բաժին է ներկայացել 2001 թվականին ծնված Էդգար Ա.-ն եւ խոստովանել, որ երեք տղաներին ինքն է դանակով հարվածել:
Ավելի վաղ NEWS.am-ը տեղեկացրել էր, որ դեպքի վայր մեկնած ոստիկանության ծառայողները պարզել են, որ 17-ամյա Արման Մ.-ին, Մորիս Խ.-ին, ինչպես նաեւ նրանց տարեկից ընկերոջը՝ մեջքի շրջանում վնասվածք ստացած Արգիշտի Մ.-ին, նույն օրը ժամը 22.30-ին Դավիթաշեն 2-րդ թաղամասում գտնվող թիվ 192 դպրոցի բակում դանակահարել են ոմն Աֆոնը եւ նրա ընկերները:
Ձեռնարկվում են միջոցառումներ՝ Էդգար Ա.-ի ընկերների ինքնությունը պարզելու եւ նրանց հայտնաբերելու ուղղությամբ: