Եմենում հրապարակավ մահապատժի են ենթարկել մանկահասակ աղջկան բռնաբարած ու սպանած հանցագործին։ Metro-ի փոխանցմամբ՝ 22-ամյա Հուսեյն ալ Սաքեթը մեղավոր է ճանաչվել 4 տարեկան աղջկան առեւանգելու, բռնաբարելու ու սպանելու մեջ։

Զոհի քեռին հավաստիացնում է, որ Հուսեյնը մասնակցել է երեխայի որոնումներին, երբ նրան դեռ չէին կասկածում հանցագործության մեջ։  Նրա խոսքով՝ հանցագործի մահապատիժը «զսպող գործոն կդառնա» մյուսների համար։

Սաքեթին  Թահրիր հրապարակում պառկացրել էին ծածկոցի վրա ՝ դեմքով դեպի ներքեւ, որից հետո ոստիկանը հինգ անգամ կրակել է նրա սրտին։ Հետո մարմինը կախել են կռունկից, որպեսզի բոլորը տեսնեն ։

Այս ամռանն արդեն երկրորդ անգամ է Եմենում հրապարակային մահապատիժ տեղի ունենում։ Հուլիսի վերջին նույն ձեւով մահապատժի են ենթարկել տղամարդուն, ով բռնաբարել ու սպանել էր 3 տարեկան աղջկա։