«Թալիբան» արմատական շարժումը ԱՄՆ նախագահ Դոնալդ Թրամփին նամակ է հղել՝ կոչ անելով Աֆղանստանից «զորքերն ամբողջությամբ դուրս բերել»։ Այս մասին հաղորդում է «ՌԻԱ Նովոստի»-ն՝ վկայակոչելով Khaama Press գործակալությունը։
Գործակալության տվյալներով՝ նամակում «Թալիբան»-ը հայտարարում է, որ երկրում բռնությունն «անմիջական կապ ունի օտարերկրյա զորքերի ներկայության հետ», որոնց շարժումը «զավթիչ զորքեր» է անվանում։ ԱՄՆ-ի գխավորած կոալիցիային «Թալիբան»-ը մեղադրում է Աֆղանստանն ավերելու մեջ, ինչը երկիրը անվտանգության, տնտեսական եւ կառավարման տեսանկյունից դարձրել է վատագույններից մեկը։
