Հնարավոր է՝ Հայաստանն ու Չինաստանը միջպետական համաձայնագիր ստորագրեն ուղիղ չվերթ բացելու վերաբերյալ։ Այս մասին օգոստոսի 17-ին լրագրողների հետ զրույցում ասաց Քաղավիացիայի գլխավոր վարչության պետ Սերգեյ Ավետիսյանը։
Նա հիշեցերց, որ մի քանի շաբաթ առաջ հանդիպել է չինական կողմի հետ։
«Մենք փաստաթուղթ են ստորագրել, որով մեկ քայլ ընդառաջ ենք գնացել շուկայի ազատականացմանն ու իրավական դաշտի կարգավորմանը։ Աշնանը ես նախատեսում եմ Չինաստան այցելել եւ հանդիպել նրանց ավիացիոն իշխանությունների հետ։ Հնարավորության դեպքում ենք նոր միջպետական համաձայնագիր կստորագրենք։ Ես նաեւ կհանդիպեմ չինական ավիաընկերությունների ներկայացուցիչներ հետ՝ Հայաստան-Չինաստան հնարավոր ուղիղ չվերթները քննարկելու համար»,-նշեց Ավետիսյանը։
Նա հավելեց, որ «Զվարթնոց» օդանավակայանն իր ենթակառուցվածով պատրաստ է ուղեւորների բավական մեծ թիվ ընդունել եւ ցանկացած տեսակի ինքնաթիռ սպասարկել։