Իսպանիայի մայրաքաղաք Մադրիդում հետիոտնային գոտիների շրջանում տարբեր պատնեշներ են տեղադրվել՝ Կատալոնիայում ավտոմեքենաների՝ մարդկանց վրաերթի ենթարկելուց հետո։ Այս մասին հաղորդում է «ՌԻԱ Նովոստի»-ն՝ վկայակոչելով El Periodico-ն։
Պարբերականի տվյալներով՝ քաղաքային իշխանությունները «շրջափակել» են քաղաքի կենտրոնական հրապարակը՝ Պուերտա դել Սոլն ու Պրեսիադոս փողոցը, որտեղ մեծ թվով ռեստորաններ ու վաճառակետեր կան։ Որպես պատնեշներ՝ օգտագործվել են ծաղկաթմբերն ու սյուները։
Նշվում է, որ նման միջոցառումներ Մադրիդում կիրառվել են նաեւ Բեռլինի ահաբեկչությունից հետո, երբ բեռնատարը վրաերթի է ենթարկել սուրբծննդյան տոնավաճառում հավաքված մարդկանց։
