Սպիտակ տան գլխավոր քաղաքական ստրատեգ ու ԱՄՆ նախագահ Դոնալդ Թրամփի ամենամոտ օգնական Սթիվ Բենոնը լքել է իր պաշտոնը՝ Սպիտակ տան աշխատակազմի ղեկավար Ջոն Քելիի հետ փոխհամաձայնությամբ։ Այս մասին ասվում է նախագահի մամուլի քարտուղար Սարա Սանդերսի հայտարարության մեջ, փոխանցում է ՏԱՍՍ-ը։
Անցած շաբաթ The New York Times թերթը հաստատել էր, որ Թրամփն արդեն մի քանի ամիս դիտարկում է Սթիվ Բենոնին պաշտոնից հեռացնելու հնարավորությունը ու վերջերս նրա հետ անձնական հանդիպումներ չէր անցկացնում։ Թերթը գրել էր, որ Բենոնը Թրամփի թիմ գալուց առաջ ղեկավարել է Breitbart կայքը, որը համարվում է ծայրահեղ աջ հայացքներն աջակցող։
