Կոտայքի մարզի Բալահովիտ գյուղում օգոստոսի 20-ին թոռան հետ վրաերթի ենթարկված 67-ամյա Գրիշա Ասատրյանն գիտակցության չգալով մահացել է: Այս մասին այսօր՝ օգոստոսի 21-ին, NEWS.am-ի հետ զրույցում ասաց ոստիկանության ԶԼՄ-ների հետ կապի բաժնի պետ Էդգար Ջանոյանը՝ նշելով, որ ոստիկանությունն հիվանդանոցից ահազանգը ստացել է այսօր:
Նշենք, որ վրաերթի հետեւանքով նախօրեին մահացել էր նաեւ 67-ամյա տղամարդու 2-ամյա թոռը: Ավելի վաղ տեղեկացրել էինք, որ օգոսոստի 20-ին, ժամը 17:10-ի սահմանում Աբովյան քաղաքի բնակիչ 23-ամյա Գեղամ Գրիգորյանը Երեւան-Աբովյան ավտոճանապարհի Բալահովիտ գյուղի վարչական տարածքում իր վարած Opel մակնիշի 35 CG 403 համարանիշի ավտոմեքենայով վրաերթի էր ենթարկել Բալահովիտ գյուղի բնակիչներ 67-ամյա Գիրշա Ասատրյանին եւ 2 տարեկան Արամ Ասատրյանին: