Բելառուսում տեղական արտադրության առաջին էլեկտրական մեքենան է հայտնվել։ Ավտոմեքենան փորձարկել է փոխվարչապետ Վլադիմիր Սեմաշկոն, ասվում է երկրի կառավարության կայքում։
Էլեկտրոքարը ստեղծել է Բելառուսի գիտությունների ազգային ակադեմիան։ Դատելով ներկայացված լուսանկարներից՝ ավտոմեքենան կառուցված է Geely-ի բազայով, սակայն էլեկտրոքարի մանրամասն տեխնիկական բնութագրերի մասին ոչինչ հայտնի չէ։ Հայտնի է միայն, որ դրա մարտկոցները կարող են ապահովել 100-150 կմ հավելյալ ընթացք։
Սեմաշկոյի խոսքով՝ մեքենան դինամիկ է ստացվել։
100 կմ-ի համար ավտոմեքենայի լիցքավորումը, Բելառուսում էլեկտրաէներգիայի գործող սակագների պարագայում, երկու-երեք ռուբլի կարժենա։ Այն ունի նաեւ հատուկ լիցքավորող սարք, որը թույլ կտա «մարտկոցը լիցքավորել 4-6 ժամում»։