ՀՀ ԿԱ քաղաքաշինության պետական կոմիտեի նախագահի տեղակալ Արմեն Ղուլարյանն, այսօր՝ օգոստոսի 23-ին, ընդունել է Լիբանանում Հայաստանի Հանրապետության արտակարգ եւ լիազոր դեսպան Սամվել Մկրտչյանին եւ Լիբանանում շինանյութի արտադրման ոլորտում առաջատար համարվող «MCIC» (Moussawi for Commerce, Industry & Contracting Sal) ընկերության ղեկավար Բաշիր Ալ Մուսսավիին:
Քաղաքաշինության պետական կոմիտեից NEWS.am-ին հայտնում են, որ հանդիպման ընթացքում, որին մասնակցել են Կոմիտեի աշխատակազմի Շինարարության եւ գիտատեխնիկական նորմավորման եւ միջազգային համագործակցության եւ կառուցապատման ներդրումային ծրագրերի վարչության մասնագետները, քննարկվել են լիբանանյան ընկերության հետ հետագա համագործակցության վերաբերյալ հարցեր։
«MCIC» ընկերության հիմնադիր Բաշիր Ալ Մուսսավին մանրամասն ներկայացրել է ընկերության գործունեությունը, շուկայում զբաղեցրած դիրքը, ավանդական եւ առաջադեմ տեխնոլոգիաների կիրառությամբ մետաղական կոնստրուկցիաների կիրառությունը եւ այլն:
Ա. Ղուլարյանը նշել է, որ քաղաքաշինության պետական կոմիտեն կարեւորում է նոր գործընկերների ձեռքբերումը եւ գործնական կապերի հաստատումը:
Հանդիպման ավարտին կողմերի միջեւ համաձայնություն է ձեռք բերվել առաջիկայում անհրաժեշտ տեղեկատվություն փոխանակելու եւ հետագա համագործակցության ուղիները որոշելու համար:
