ՀՀ քննչական կոմիտեի Լոռու մարզային քննչական վարչության Թումանյանի քննչական բաժնում հարուցվել է քրեական գործ՝ երկու անձի մահվան պատճառ դարձած ավտովթարի դեպքի առթիվ։
Նախնական տվյալներով՝ 2017 թվականի օգոստոսի 19-ին՝ժամը 14:30-ի սահմաններում, Ալավերդի-Ստեփանավան ավտոճանապարհի 18-րդ կիլոմետրում բախվել են Է.Վարդումյանի վարած «Օպել Աստրա 1.6» մակնիշի եւ Մ.Վարոսյանի վարած «ֆոլքսվագեն Գոլֆ» մակնիշի ավտոմեքենաները, որի հետեւանքով ստացած մարմնական վնասվածքներից «Օպել Աստրա 1.6» մակնիշի ավտոմեքենայի ուղեւորներ Գագիկ Վարդումյանը՝ ծնված 1959թ., եւ 9-ամյա երեխան տեղում մահացել են, իսկ վարորդը եւ երեք ուղեւորները, ինչպես նաեւ «Ֆոլքսվագեն Գոլֆ» մակնիշի վարորդը եւ 2 ուղեւորները տարբեր մարմնական վնասվածքներով տեղափոխվել են բժշկական կենտրոն:
Դեպքի առթիվ ՀՀ ՔԿ Լոռու մարզային քննչական վարչության Թումանյանի քննչական բաժնում հարուցվել է քրեական գործ՝ ՀՀ քրեական օրենսգրքի 242-րդ հոդվածի 3-րդ մասով:
Կատարվել են դեպքի վայրի եւ տրանսպորտային միջոցների զննություններ, առգրավումներ: Քրեական գործով էական նշանակություն ունեցող հանգամանքները պարզելու նպատակով նշանակվել են դատաբժշկական, տոքսիկոքիմիական ու դատակենսաբանական համալիր փորձաքննություններ:
Նախաքննությունըշարունակվում է:
