Lockheed Martin եւ Raytheon ամերիկյան կորպորացիները նոր թեւավոր հրթիռ կստեղծեն, որը կկարողանա միջուկային լիցք կրել՝ գործողությունների հեռահար շառավղով ռմբարկուների համար։ Այս մասին հաղորդում է «ՌԻԱ Նովոստի»-ն՝ վկայակոչելով ԱՄՆ-ի ռազմաօդային ուժերը։
Նրա տվյալներով՝ նախ կկնքվի 900 մլն դոլարի պայմանագիր՝ 54 ամսով։ Դրանից հետո ԱՄՆ ՌՕՈՒ-ն կընտրի այդ երկու ընկերություններից մեկը՝ 1000 հրթիռ արտադրելու համար։ Եվ նրանցից ոչ բոլորը միջուկային մարտագլխիկ կունենան։
ԱՄՆ ՌՕՈՒ նախարար Հեզեր Ուիլսոնն ասել է, որ «ԱՄՆ-ի հակառակորդների նկատմամբ գործում է զսպման քաղաքականությունը, որոնք կարող են գնահատել վտանգի աստիճանը»։ Նա նաեւ նշել է, որ «այդ զենքը թույլ կտա ընդլայնել ԱՄՆ ՌՕՈՒ-ի հնարավորությունները»։ Բացի այդ՝ նախարարը վստահ է, որ մոդեռնիզացումը ծախսերի տեսանկյունից արդյունավետ կլինի։