Մեքսիկական ծոցում «Հարվի» ցիկլոնը արեւադարձային  փոթորկի ուժ է հավաքել եւ կարող է ուժգնանալ՝ վերածվելով փոթորկի, փոխանցում է «ՌԻԱ Նովոստի»-ն։

ԱՄՆ-ի Փոթորիկների նախազգուշացման ազգային կենտրոնը (NHC) հայտնել է, որ քամու արագությունը 70 կմ/ժ է։ Օդերեւութաբանների տվյալներով՝ ուրբաթ «Հրավի»-ն կարող է փոթորկի վերածվել։

Նշվում է, որ արեւադարձային փոթորիկն այժմ գտնվում է Թեխասի Մենսֆիլդ քաղաքից 660 կմ հարավ-արեւելք եւ 11 կմ/ժ արագությամբ շարժվում է հյուսիս-արեւմտյան ուղղությամբ։

Չորեքշաբթի Թեխասի նահանգապետ Գրեգ Էբոթը տարերային աղետի ռեժիմ է սահմանել նահանգի 30 շրջաններում՝ կապված «Հարվի»-ի մոտենալու հետ։