Թուրքիան չի կարող Եվրամիությանն անդամակցել, քանի դեռ երկիրը ղեկավարում է Ռեջեփ Թայիփ Էրդողանը։ Այս մասին հայտարարել է Գերմանիայի ԱԳ նախարար Զիգմար Գաբրիելը։

Նրա խոսքով՝ դա չի նշանակում, թե ԵՄ-ն չի ցանկանում դա։ «Բայց թուքրական կառավարությունն արագորեն շարժվում է Եվրոպային հակառակ ուղղությամբ։ Պարզ է, որ ներկա դրությամբ Թուրքիան ԵՄ-ի անդամ չի դառնա»,-ընդգծել է Գերմանիայի ԱԳ նախարարը։

Ավելի վաղ Ավստրիայի ԱԳ նախարար Սեբաստյան Կուրցը հայտարարել է, որ ներկա ղեկավարությամբ Անկարան չի կարող նույնիսկ 2023 թվականին ԵՄ-ին անդամակցել։