Թուրքիան յոթ մղոնանոց քայլերով հեռանում է Եվրամիությունից եւ ձգտում է դրա պատասխանատվությունը հենց ԵՄ-ի ուսերին բարդել: ԵՄ դեսպանների առջեւ ելույթում այս մասին հայտարարել է Եվրահանձնաժողովի ղեկավար Ժան-Կլոդ Յունկերը:
Նրա խոսքով՝ հարցը հիմա այն է, արդյո՞ք պետք է վերջ դնել Թուրքիայի հետ բանակցություններին: «Սա տեսական հարց է: Ներկայում բանակցություններ չեն ընթանում»,- ասել է Յունկերը եւ հավելել, որ Անկարան ցանկանում է ԵՄ-ի ուսերին բարդել հարաբերությունների վատթարացման պատասխանատվությունը:
«Ես Էրդողանին, որի հետ միշտ ընկերական հարաբերություններ եմ ունեցել եւ շարունակում եմ լավ հարաբերություններ պահպանել, կասկածում եմ նրանում, որ Եվրոպայից բանակցությունների դադարեցման մասին հայտարարության է սպասում՝ ԵՄ-ին, եւ ոչ թե Թուրքիային պատասխանատու համարելու համար»,- հայտարարել է Ժան-Կլոդ Յունկերը, գրում է ՌԻԱ Նովոստին:
Ըստ նրա՝ ԵՄ-ն պետք է իրեն այնպես պահի, որպեսզի «թուրքերը հասկանան, որ իրենք, Էրդողանի համակարգն անհնար դարձրեցին ԵՄ-ին Թուրքիայի անդամակցությունը»:
