Այսօր Ուկրաինան չի համարվում Եվրամիության եւ ՆԱՏՕ-ի անդամ: Այս մասին Եվրահանձնաժողովի նախագահ Ժան Կլոդ Յունկերն ասել է ԵՄ դեսպանների համաժողովի ժամանակ, փոխանցում է «Եվրոպական ճշմարտությունը»
«Այս պահին աշխարհում 60 պատերազմ կա, եւ դրանցից ոչ մեկը Եվրոպայում չի ընթանում, եթե չհաշվենք Ուկրաինան: Սակայն Ուկրաինան հիմա եվրոպական երկիր չէ՝ ԵՄ-ին անդամակցության իմաստով: Տեղյակ եմ, որ վերջերս ընկերս՝ Պորոշենկոն, ասել է՝ տեսեք, Ուկրաինան գրեթե ԵՄ է եւ ՆԱՏՕ: Սակայն այս պահին այն ոչ այնտեղ է, ոչ այստեղ, եւ կարեւոր է սա հասկանալ»,- հայտարարել է Յունկերը:
Հիշեցնենք, որ օգոստոսի 24-ին Ուկրաինայի նախագահ Պյոտր Պորոշենկոն հայտարարել է, որ Ուկրաինան շարժվում է Եվրամիության եւ Հյուսիսատլանտյան դաշինքի լիարժեք անդամակցություն ձեռք բերելու ուղղությամբ:
