Հայերը մեր ձերքով են կոտորվել, եւ այդ մեղքերի համար մենք հիմա պատժվում ենք։ Այս մասին հայտարարել է Դիարբեքիրի առւտրա-արդյունաբերական պալատի նախագահ Գալիփ Էնսարիօղլուն։
Ինչպես տեղեկացնում է թուրքական Sabah-ը, Գալիփ Էնսարօղլուն Ստամբուլում կազմակերպված քրդական հարցին նվիրված կոնֆերանսի ընթացքում հանդես է եկել ելույթով, քննադատելով քրդերին՝ գործիք դառնալու եւ դարասկզբին հայերին եւ մյուս ոչ մահմեդական ազգերին կոտորելու մեջ:
«Մենք, որպես հասարակություն, մի քիչ էլ մեր մեղքերի համար ենք պատժվում։ Մենք՝ քրդերս, դարձանք գործիք, երբ երիտթուրքերը որոշեցին ստեղծել ազգային պետություն եւ հայերի եւ մյուս ոչ մահմեդականների դեմ նրանց գործողությունների լուռ վկան էինք։ Այն ժամանակներում այս հողերում ապրողների 25 տոկոսը ոչ մահմեդականներն էին։ Հայերը մեր ձեռքով են կոտորվել»,-շեշտել է Դիարբեքիրի առեւտրա-արդյունաբերական պալատի նախագահը։
