Ֆրանսիայում դատարանը սկսել է քննել Ադրբեջանի կառավարության հայցը, որը երկու ֆրասիացի լրագրողների՝ Էլիզ Լյուսեին ու Լորան Ռիշարին մեղադրում է զրպարտության մեջ, հայտնում է AP-ն։
Հեռուստատեսային ու ռադիո եթերում նրանք Իլհամ Ալիեւի վարչապազմը անվանել են «բռնապետություն», որը ղեկավարում է «բռնապետը»։
«Լրագրողներ առանց սահմանի» կազմակերպությունը համարում է, որ այս դատական հայցը նպատակ ունի ահաբեկել բոլոր նրանց, ովքեր խոսում են Ադրբեջանում խոսքի ազատության սահմանափակման մասին։
Կազմակերպության գլխավոր քարտուղար Քրիստոֆ Դելուան նշել է, որ հարուցելով քրեական գործ ֆրանսիացի լրագրողների դեմ, ովքեր օգտվել են խոսքի ազատության իրենց իրավունքից, Ադրբեջանի կառավարությունը դրսեւորում է քննադատության հանդեպ հանդուրժողականության լիակատար բացակայություն։ «Մենք չպետք է Բաքվին թույլ տանք արտահանել իր գրաքննությունը Ֆրանսիա»,-ասել է նա։
Տվյալ գործի լսումները համընկել են այն բանի հետ, որ եվրոպական բազմաթիվ լրատվամիջոցներ հրապարակել են հետաքննություն, ըստ որի Ադրբեջանի իշխող վերնախավը 2․9 մլրդ դոլարի «սեւ դրամարկղ» է պահել՝ եվրոպական քաղաքական գործիչներին կաշառելու, շքեղ իրեր ձեռք բերելու ու բրիտանական ֆիկտիվ ընկերությունների միջոցով փողեր «լվանալու» համար։