Հնդկաստանում հայտնի կին լրագրող է սպանվել: Reuters-ը հայտնում է, որ հնդկական շաբաթաթերթի խմբագիր Գաուրի Լանքեշի մարմինը հայտնաբերվել է Բանգալորի իր տանը՝ արյան լճակի մեջ: «Տան մոտ մարդիկ կրակոցներ են լսել»,- լրագրողներին ասել է ոստիկանության կոմիսար Սյունել Քումարը:
Լանքեշը հայտնի էր որպես խիզախ եւ անկեղծ լրագրող: Նա աջ քաղաքական գաղափարախոսության համոզված քննադատ էր:
Չնայած սպանության դրդապատճառները դեռեւս հայտնի չեն, քաղաքական առաջնորդները, լրագրողները եւ ակտիվիստները դատապարտել են խոսքի ազատության հանդեպ անհանդուրժողականությունը եւ ցանկացած սպառնալիք:
