Նոր I Phone 8-ը, որը  Apple ընկերությունը խոստացել է հանրությանը ներկայացնել արդեն մի քանի օրից, կարող է ունենալ ջրից պաշտպանության նոր գործառույթ։ «Միր 24»-ը հայտնում է, որ դա է վկայում IP 67 ստանդարտը, որը ցույց է տալիս ջրից և փոշուց պաշտպանությունը։

Դրանից բացի, այդ բնագավառի փորձագետները չեն բացառել, որ նոր մոդելը կարող է ունենալ ապակե պատյան, դեմքերը ճանաչելու հնարավորություն և առանց լարի լիցքավորման հնարավորություն։

Digitimes պարբերականը մասնավորապես նշում է, որ I Phone 8-ն առաջին անգամ կունենա 12 մեգապիքսել հզորությամբ տեսախցիկ։

Ավելի վաղ անկախ փորձագետները ենթադրում  էին, որ նոր մոդելում կլինի ձայնային օգնականի գորձառույթը։

Ավանդական ասուլիսը, որի ընթացքում կներկայացվի գաջեթի նորացված ձևը, կկայանա սեպտեմբերի 12-ին։