Թուրքիան ինքն է Եվրամիությունից հեռացել։ Այս մասին Էստոնիայի մայրաքաղաք Տալլինում ԵՄ-ի իր գործընկերների հետ հանդիպման նախաշեմին հայտարարել է Գերմանիայի ԱԳ նախարար Զիգմար Գաբրիելը, փոխանցում է Reuters-ը։
Ավստրիայի ԱԳ նախարար Սեբաստիան Քուրցն իր հերթին կրկին պնդել է, որ բանակցությունները պետք է դադարեցվեն։ Ֆինլանդիայի եւ Լիտվայի ԱԳ նախարարները բանակցությունները դադարեցնելուն դեմ են եղել։
«Ո՛չ, մենք պետք է շարունակենք գործընթացն ու Թուրքիային ներգրավելը։ Դա հեշտ չէ, բայց մենք պետք է գնահատենք կապերը։ Դադարեցնելով, ընդհատելով մենք ոչ մի լավ բանի չենք հասնի, քանի որ մենք կնպաստենք Թուրքիայի՝ էլ ավելի հեռանալուն։ Ես կարծում եմ՝ արդյունքը միանգամայն հակառակը կլինի»,-ասել է Լիտվայի ԱԳ նախարար Լինաս Լինկեւիչիուսը։
