Վրաստանի խորհրդարանի նախկին խոսնակ, «Դեմոկրատական շարժում» կուսակցության առաջնորդ Նինո Բուրջանաձեն Վրաստանի 3-րդ նախագահ Միխայիլ Սահակաշվիլիի դեմ ցուցմունք է տվել 2005 թվականին խորհրդարանի պատգամավոր Վալերի Գելաշվիլիին ծեծելու գործով, փոխանցում է Sputnik-ը:
Բուրջանաձեն որպես վկա հարցաքննվել է Թբիլիսիի քաղաքային դատարանում: Սահակաշվիլիին մեղադրանքներ են առաջադրվել «բռնության կամ զենքի կիրառմամբ ծառայողական լիազորությունների չարաշահման» եւ «մի խումբ անձանց կողմից առողջությանը դիտավորալ ծանր վնասվածք հասցնելը կազմակերպելու» հոդվածներով, որը պատժվում է 7-ից մինչեւ 9 տարի ժամկետով ազատազրկմամբ:
