Սեպտեմբերի 8-ին ԱԳ նախարար Էդվարդ Նալբանդյանը Տալլինում մասնակցեց Եվրոպական միության եւ Արեւելյան գործընկերության մասնակից երկրների արտգործնախարարների հանդիպմանը, որին ներկա էին եւ ելույթներ ունեցան ԵՄ արտաքին գործերի եւ անվտանգության քաղաքականության բարձր ներկայացուցիչ Ֆեդերիկա Մոգերինին, Եվրոպական հանձնաժողովի հարեւանության եւ ընդլայնման հարցերով հանձնակատար Յոհանես Հանը, ԵՄ եւ Արեւելյան գործընկերության երկրների արտաքին քաղաքական գերատեսչությունների ղեկավարները:
Ելույթ ունենալով նախարարական հանդիպմանը՝ Էդվարդ Նալբանդյանն անդրադարձավ նոյեմբերին կայանալիք Արեւելյան գործընկերության գագաթաժողովի ակնկալիքներին՝ ընդգծելով, որ Հայաստանի եւ Եվրոպական միության միջեւ «Համապարփակ եւ ընդլայնված գործընկերության համաձայնագրի» ստորագրումը կարող է հանդիսանալ բրյուսելյան գագաթաժողովի կարեւոր ձեռքբերումներից։
.jpg)
