Առողջապահության ոլորտում վճարովի ծառայությունների դիմաց եկամուտների մակարդակը, որը Արագածոտնի մարզում կազմում է 104 մլն դրամ, խիստ ցածր ցուցանիշ է. այս ոլորտում ունենք մեծ ստվեր: Այս մասին, սեպտեմբերի 8-ին, Արագածոտնի մարզ կատարած այցելության ժամանակ նշել է ՀՀ վարչապետ Կարեն Կարապետյանը:
«Մեր թիրախը հետեւյալն է. վճարովի ծառայություններից ստացված եկամուտների մակարդակը պետք է համարժեք լինի պետպատվերի մակարդակին, այսինքն, պետք է կազմի 1,5 մլրդ դրամ: Այս առումով, ձեր ցուցանիշները գոհացուցիչ չեն: Անհրաժեշտ են կոշտ քայլեր՝ ստվերը կրճատելու համար», - ասել է Կարեն Կարապետյանը: