Մեքսիկայի Օախակա նահանգում երկրաշարժի զոհերի թիվը հասել է 71 մարդու, հայտնում է նահանգի քաղաքացիական պաշտպանության ծառայությունը:
«[Երկրաշարժի հետեւանքների] գնահատմանը նվիրված խորհրդակցության ժամանակ նահանգապետ Ալեխանդրո Մուրատը հայտնել է, որ Օախակայում երկրաշարժի հետեւանքով զոհերի թիվը հասել է մինչեւ 71 մարդու»,- Twitter-ի իր մկրոբլոգում հայտնել է ծառայությունը, փոխանցում է «ՌԻԱ Նովոստի»-ն:
Նախկինում հաղորդվում էր տարերքի հետեւանքով ամբողջ երկրի տարածքում 65 զոհվածի մասին: Ըստ որում՝ Մեքսիկայի նախագահ Էնրիկե Պենյա Նյետոն նշել էր, որ Չյապասում 12 մարդ է մահացել, Տաբասկոյում՝ եւս 4 մարդ:
