ՀԱՊԿ-ին եւ ԵՏՄ-ին անդամակցությունը, ոչ միայն վերանայման կարիք չունեն, այլեւ ունեն ընդլայնման միտումներ: Այս մասին, այսօր՝ սեպտեմբերի 21-ին, ԱԺ-ում հայտարարությունների ժամին իր խոսքում նշել է ԱԺ փոխնախագահ Էդուարդ Շարմազանովը:
«Հաշվի առնելով տարածաշրջանում առկա մարտահրավերները, անվտանգության խնդիրները շարունակելու են լինել մեր օրակարգային կարեւորագույն հարցը: ՀՀ ազգային առաջնահերթությունները, այն է՝ հայ-ռուսական դաշնակցային հարաբերությունները, ՀԱՊԿ-ին եւ ԵՏՄ-ին անդամակցությունը, ոչ միայն վերանայման կարիք չունեն, այլեւ ունեն ընդլայնման միտումներ»,-ընդգծել է նա:
Անդրադառնալով Արցախի խնդրին, Շարմազանովը նշել է. «Ադրբեջանը շարունակում է չկատարել Վիեննայի եւ Սանկտ Պետերբուրգի պայմանավորվածությունները՝ խոչընդոտելով խաղաղ կարգավորման առաջընթացին: Ադրբեջանը նախ պետք է ճանաչի Արցախի ինքնորոշման իրավունքի ամբողջական իրացումը: Արցախի միջազգային ճանաչումն այլընտրանք չունի եւ միայն ժամանակի հարց է»: