Հայաստանը կատարեց ռազմավարական քայլ, երբ 2013 թվականին որոշեց ստորագրել Մաքսային միությանը, ապա՝ ԵՏՄ-ին անդամակցության հուշագիրը: Այս մասին, այսօր՝ սեպտեմբերի 12-ին, լրագրողների հետ հանդիպան ժամանակ նշել է Հայաստանում Գերմանիայի արտակարգ և լիազոր դեսպան Մաթիաս Քիսլերը՝ անդրադառնալով դիտարկմանը, որ ՀՀ նախագահ Սերժ Սարգսյանն ակնարկել էր, որ ԵՄ-ի հետ Ասոցացման համաձայնագիրը չի ստորագրվել Եվրապական կառույցի պատճառով:
«Եվրամիությունն ընդունել է ԵՏՄ-ին անդամակցելու՝ Հայաստանի որոշումը, որովհետև Եվրամիությունն ու Հայաստանը գործընկերներ են համահավասար հարթության վրա: ԵՄ-ն առաջարկում է համագործակցություն, բայց չի ստիպում»,- ընդգծեց դեսպանը: հավելելով, որ հենց այս ոգով են ընթացել նոր համաձայնագրի շուրջ բանակցությունները:
Նրա խոսքով, ԵՄ-ն պատրաստ է նոյեմբերին Հայաստանի հետ կնքել համագործակցության նոր պայմանագիրը. «Ներկա պահին չկա որևէ հանգամանք, որ խանգարի այդ գործընթացին: Ես մեծ հաջողություն եմ համարում նոր համաձայնագիրը և կարծում եմ՝ եթե այն ստորագրվի, ապա նոր ու բազմաշերտ հնարավորություններ կընձեռի ԵՄ-Հայաստան համագործակցությունը խորացնելու առումով»: