Բնական է, որ միաժանակ չի կարելի գտնվել «երկու գոտիներում», սակայն դա չի նշանակում, որ ինքնիշխան երկիրը չի կարող ընտրել իր համար համապաստախան տարբերակն ու պարզել հետագա անելիքները: Այս մասին, այսօր՝ սեպտեմբերի 12-ին, լրագրողների հետ հանդիպան ժամանակ նշել է Հայաստանում Ֆրասնիայի դեսպան Ժան-Ֆրանսուա Շարպանտիեն՝ անդրադառնալով փաստին, որ Հայաստանը ԵՏՄ անդամ է եւ միաժամանակ ԵՄ-ի հետ նոր համաձայնագիր է ստորագրելու:
«Այն օրը, երբ ստորագրվի Հայաստան-ԵՄ պայմանագիրը, կարծում եմ՝ բոլոր նախադրյալները կան դրա համար, այդ ժամանակ Հայաստանը կդառնա միակ երկիրը, որը լինելով ԵՏՄ անդամ՝ միաժանակ պայմանագիր կունենա ԵՄ-ի հետ: Իսկ այդ պայմանագիրը հավակնոտ, երկխոսությունների հեռանկար ունեցող, Հայաստանի համար գործունեության լայն հորիզոններ բացող, համարձակ ծրագիր կլինի»- ասաց Ժան-Ֆրանսուա Շարպանտիեն:
Նշենք, որ ԵՄ-ի հետ համագործակցության նոր համաձայնագիրը նախաստորագրվել է այս տարվա սկզբին, եւ նախատեսվում է ստորագրել նոյեմբերին:
