ՀՀ նախագահ Սերժ Սարգսյանի ստորագրած հրամանագրով Արգենտիայում ՀՀ արտակարգ եւ լիազոր դեսպան Էսթերա Մկրտումյանը համատեղության կարգով դեսպան է նշանակվել Ուրուգվայի Արեւելյան Հանրապետությունում, Չիլիի հանրապետությունում եւ Պերուի հանրապետությունում արտակարգ եւ լիազոր դեսպան:
Սերժ Սարգսյանի համապատասխան հրամանագրում ասվում է.
«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 8-րդ կետով` որոշում եմ.
Արգենտինայի Հանրապետությունում Հայաստանի Հանրապետության արտակարգ եւ լիազոր դեսպան Էսթերա Մկրտումյանին, համատեղության կարգով, նշանակել Ուրուգվայի Արեւելյան Հանրապետությունում, Չիլիի Հանրապետությունում եւ Պերուի Հանրապետությունում Հայաստանի Հանրապետության արտակարգ եւ լիազոր դեսպան (նստավայրը` Բուենոս Այրես)»:
Նշենք, որ Էսթերա Մկրտումյանը Արգենտինայում ՀՀ դեսպան էր նշանակվել 2017-ի փետրվարին:
Կենսագրական տվյալներ
Ծննդյան տարեթիվը եւ վայրը
Ծնվել է 1976թ. ապրիլի 21-ին` ք.Երեւանում
Կրթությունը
1993-1998թթ. Իսպաներեն եւ անգլերեն լեզուների բանասիրության ամբիոն, Երեւանի պետական համալսարանի Ռոմանագերմանական բանասիրության ֆակուլտետ
Աշխատանքային գործունեությունը
2013-2017թթ. Արգենտինայի Հանրապետությունում Հայաստանի Հանրապետության դեսպանության խորհրդական, հյուպատոս
2012-2013թթ. ՀՀ ԱԺ արտաքին հարաբերությունների վարչության Եվրաինտեգրման եւ միջխորհրդարանական հարաբերությունների բաժնի վարիչ
2003-2013թթ. Եվրոպայի խորհրդի խորհրդարանական վեհաժողովում ՀՀ Ազգային ժողովի պատվիրակության քարտուղար
Հայաստան-Իսպանիա, Հայաստան-Պորտուգալիա ՀՀ ԱԺ պատգամավորական բարեկամության խմբերի քարտուղար
2002-2012թթ. ՀՀ ԱԺ արտաքին հարաբերությունների վարչության գլխավոր մասնագետ
1999-2002թթ. ՀՀ ԱԺ արտաքին հարաբերությունների վարչության առաջատար մասնագետ
Սեւծովյան տնտեսական համագործակցության խորհրդարանական վեհաժողովում ՀՀ ԱԺ պատվիրակության քարտուղար
ՀՀ պետական ծառայության դասային աստիճաններ
ՀՀ պետական ծառայության 1-ին դասի խորհրդական
Պարգեւներ
2012թ. ՀՀ անկախության 21-րդ տարեդարձի կապակցությամբ պարգեւատրվել է «Մխիթար Գոշ» մեդալով
Օտար լեզուներ
Իսպաներեն, ռուսերեն, անգլերեն
Ընտանեկան կարգավիճակը
Ունի դուստր