Սաուդյան Արաբիայում վերջին օրերին մոտ 30 մարդ է կալանավորվել իսլամիստների կողմնակիցների եւ գահաժառանգ արքայազնի դեմ իշխանությունների գործողությունների շրջանակում, հայտնում է AP–ը։
Սաուդյան Արաբիայի իրավապաշտպանները հայտարարում են, որ ձերբակալվածների թվում են հայտնի աստվածաբաններ, բանաստեղծներ եւ ակնառու մտավորականներ։ Կառավարությունը լղոզված հայտարարություն էր արել՝ հաստատելով Սաուդյան Արաբիայի շահերի դեմ գործող կասկածյալների կալանավորման փաստը։
Հաղորդվում է, որ ենթադրաբար կալանքները կապ ունեն Կատարի եւ նրա արաբական հարեւանների առճակատման հետ, ինչպես նաեւ պայմանավորված են այն լուրերով, որ թագաժառանգ արքայազն Մուհամմեդ բեն Սալմանը շուտով կարող է ժառանգել հոր գահը։
