Սեպտեմբերի 18-ին Հայաստանում նշվում է Աստղագիտության օրը։ Այդ օրը ավանդաբար կազմակերպվում են զանազան թեմատիկ միջոցառումներ։

 Օրվա ընտրությունը պայմանավորված է նրանով, որ 1908-ի սեպտեմբերի 18-ին է Թբիլիսիում ծնվել նշանավոր հայ գիտնական, տեսական աստղաֆիզիկայի հիմնադիր, Հայաստանի Ազգային հերոս ակադեմիկոս Վիկտոր Համազասպի Համբարձումյանը, հայտնում է Calend-ը։

Վիկտոր Համբարձումյանի աշխատությունները վերաբերել են աստղերի եւ միգամածությունների ֆիզիկայի, արտագալակտիկական աստղագիտության, աստղային համակարգերի դինամիկայի, աստղերի եւ գալակտիկաների տիեզերածնության եւ մաթեմատիկական ֆիզիկայի, միջուկային ֆիզիկայի, աստղերի թաղանթների ֆիզիկայի, աստղային ասոցացիաների ու աստղերի էվոլյուցիայի բնագավառներին։