Սախալինում ձկնորսը զոհվել է արջի հարձակումից հետո, «ՌԻԱ Նովոստի»-ին հայտնել է մարզի Անտառային եւ որսորդական տնտեսության նախարարությունում աղբյուրը:
Նախօրեին տղամարդու անհետանալու մասին հայտնել են նրա ազգականները: Երկու ընտանիք ուղեւորվել էր Անիվսկի շրջան եւ կայանել Ուրյում գյուղի տակ գտնվող գետաբերանի մոտ: Տղամարդը կարթով ձկնորսության է գնացել: Ազգականները եւ ընկերները նրան ճաշի են կանչել, սակայն նա բղավոցներին չի արձագանքել: Ազգականները նրան նախ ինքնուրույն են փնտրել, այնուհետեւ դիմել են ոստիկանությանը:
«Այսօր յուրահատոկ վերքերով տղամարդու դիակ է հայտնաբերվել»,- գործակալությանն ասել է զրուցակիցը:
Սեպտեմբերի սկզբին Սախալինում արջը սպանել էր 70-ամյա որսորդին: Մահանալուց առաջ տղամարդը հասցրել էր գիշատչին վիրավորել: Որսորդները մինչեւ հիմա գազանին չեն գտել: