Մենք ուզում ենք, որ ՄԱԿ-ը վերականգնի իր հանդեպ վստահությունը։ Այս մասին հայտնել է ԱՄՆ նախագահ Դոնալդ Թրամփը ՄԱԿ-ի բարեփոխումների ու դրա գործունեության ծախսերը կրճատելուն նվիրված խորհրդակցության ժամանակ, փոխանցում է «Ամերիկայի ձայնը»։
Թրամփը նաեւ ՄԱԿ-ին «համարձակ բարեփոխումների» կոչ է արել, որոնք նրա խոսքով՝ թույլ կտան այդ կազմակերպությունը դարձնել խաղաղության ավելի արդյունավետ գործիք։ «Մենք ուզում ենք, որ ՄԱԿ-ը վերականգնի վստահությունն իր հանդեպ»,- ասել է Թրամփը,-«Դրան հասնելու համար ՄԱԿ-ը պետք է հաշվետու լինի կառավարման բոլոր մակարդակների վրա, պաշտպանի գործակալներին ու կենտրոնանա ոչ թե գործընթացի, այլ արդյունքների վրա»։
Թրամփը ՄԱԿ-ին քննադատել է բյուրոկրատիայի ու կառավարման անկատար ոճի համար, կոչ անելով իրականացնել բարեփոխումներ, որպեսզի կազմակերպությունը դառնա խաղաղության ապահովման ավելի հզոր ու արդյունավետ ուժ։ Նախագահը շեշտել է, որ անհրաժեշտ է այնպես անել, որ կազմակերպության անդամներից ոչ մեկը չկրի ֆինանսական բեռի անհամաչափ մասնաբաժին։ Թրամփը նաեւ հայտնել է, որ ՄԱԿ-ը չպետք է կառչի հին մեթոդներինց, որոնք ժամանակակից աշխարհում արդյունավետ չեն։
