Հայաստանի եւ Թուրքիայի միջեւ երկխոսության դուռը մշտապես պետք է բաց լինի: Սեպտեմբերի 22-ին Երեւանում լրագրողների հետ հանդիպխման ժամանակ այս մասին ասաց Թուրքիայի խորհրդարանի՝ քրդական Ժողովուրդների դեմոկրատական կուսակցությունից ընտրած պատգամավոր Կարո Փայլանը:
Նրա խոսքով՝ ցավոք, հիմա Թուրքիայի իշխող կուսակցությունը միություն է ստեղծել «Ազգայնական շարժում» կուսակցության հետ: Նա հիշեցրեց, որ 2009 թվականին ստորագրվել են հայ-թուրքական արձանագրությունները, սակայն վերջնանպատակին չեն հասել: «Ներկայումս դուռը փակ է, անհրաժեշտ է ջանքներ ներդնել, որ այն կիսաբաց արվի: Տեղյակ եք, որ հիմա Թուրքիայում ժողովրդավարության առումով իրավիճակը շատ վատթար է: Սակայն ես տեսնում եմ, որ Հայաստանը հիմա ավելի ինքնավստահ է»,- նշեց Փայլանը: Ըստ պատգամավորի՝ Հայաստանը պատրաստ է Թուրքիայի հետ հարաբերությունների կարգավորմանը, սակայն դրան պետք է պատրաստ լինի նաեւ Անկարան: «Եվ երկխոսության դուռը պետք է մշտապես բաց լինի: Սա կարեւոր է: Երբ Թուրքիա վերադառնամ, կխոսեմ նախարարների հետ եւ ջանքեր կգործադրեմ այդ դուռը բացելու համար»,- ընդգծեց Կարո Փայլանը:
Հիշեցնենք, որ Հայաստանի նախագահ Սերժ Սարգսյանը ՄԱԿ ԳԱ 72-րդ նստաշրջանում ելույթ ունենալիս հայտարարել էր. «Եթե մինչեւ 2018 թվականը Թուրքիան հայ-թուրքական արձանագրությունները չվավերացնի, Հայաստանն այն անվավեր կհամարի»:
