Արա լեռան լանջին բռնկված հրդեհը մեկուսացվել է: Այս մասին այսօր՝ սեպտեմբերի 22-ին, NEWS.am-ին տեղեկացրին ԱԻՆ մամուլի ծառայությունից: Այս պահին կատարվում են հետմարման եւ հրդեհաշիջման աշխատանքները, իրավիճակը վերահսկվում է: ԱԻՆ-ից նաեւ տեղեկացրին, որ տարածքին մոտ գտնվող բնակավայրեր չկան:
Դեպքի վայրում հրդեհաշիջման աշխատանքներին մասնակցում են 6 մարտական հաշվարկ, 3 օպերատիվ խումբ եւ Հատուկ նշանակության փրկարարական աշխատանքներ իրականացնող կենտրոնի փրկարարական ջոկատը: Հրդեհաշիջման աշխատանքներին մասնակցում է 117 փրկարար ծառայող, անտառտնտեսության 10 աշխատակից եւ հարակից գյուղի 8 բնակիչ:
Հիշեցնենք, որ հրդեհը բռնկվել է սեպտեմբերի 21-ին: