Իտալական Automobili Lamborghini ավտոընկերությունը ներկայացրել է Huracán — Super Trofeo EVO մոդելի նոր տարբերակը, փոխանցում է Lenta-ն:
Շնորհանդեսը տեղի է ունեցել Սանթ Ագաթա Բոլոնիեզեում գտնվող ընկերության կենտրոնակայանում: Ավտոմեքենան ունի թափքի լավագույն աերոդինամիկա. թողարկումը նվիրված է մակնիշի եւ Roger Dubuis մանուֆակտուրայի համագործակցության սկզբին: Հետին շարժահաղորդակով ավտոմեքենան ունի 5,2-լիտրանոց V10 շարժիչ՝ 620 ձիաուժ հզորությամբ: Առավելագույն արագությունն է 280 կմ/ժ: Թափքի հատուկ գույնը ստեղծվել է Roger Dubuis մանուֆակտուրայի ֆիմային գույներից: ԱՄՆ-ում ավտոմեքենան արժե 295 հազար դոլար, Արեւմտյան Եվրոպայում եւ Ասիայում՝ 235 հազար եվրո:
Automobili Lamborghini ընկերությունը հիմնադրվել է 1963 թվականին:
