Հյուսիսկորեական լրատվամիջոցներում է հայտնվել լուսա- եւ տեսակոլաժների շարք, որոնք ցուցադրում են ամերիկյան ռազմական օդանավերի եւ ավիակրի ոչնչացումը Հյուսիսային Կորեայի հրթիռներով, հայտնում է Lenta-ն:
Լուսանկարներ են հրապարակվել, որոնցում իբրեւ թե պատկերված է ամերիկյան B1-B ռմբակոծիչի եւ F-35 կործանիչի ոչնչացումը: Դրանից զատ, տեսանյութ է հայտնվել, որում մոդելավորվել է Հյուսիսային Կորեայի սուզանավից բալիստիկ հրթիռի արձակումը ամերիկյան «Կարլ Վիլսոն» (USS Carl Vinson) ավիակրի ուղղությամբ եւ դրա ռմբակոծումը:
Կոլաժները հրապարակվել են սեպտեմբերի 23-ին Հյուսիսային եւ Հարավային Կորեաները բաժանող ապառազմականացված գոտու մոտ օդային տարածքում ԱՄՆ ՌՕՈւ-ի կործանիչների ուղեկցությամբ B-1B Lancer ռմբակոծիչի թռիչքից կարճ ժամանակ անց: Պենտագոնում նշել են, որ ԱՄՆ օդանավերը շարժվել են ապառազմականացված գոտուց հեռու դեպի հյուսիս:
