Չինաստանի Հույչժոու նահանգում լեռնային սողանքի հետեւանքով 3 մարդ է զոհվել, եւս 3-ն անհետ կորել են, հայտնում է «Սինհուան»:
Լիբո գավառի ավտոմայրուղու հատվածներից մեկում սողանքի պահին 10 մարդ է եղել: Տուժածներից մեկին հաջողվել է սողանքի տակից ինքնուրույն դուրս գալ, եւս երեքին փրկել են:
Նախաքննության տվյալներով՝ սողանքի պատճառը հորդ անձրեւներն են:
Ներկայումս իրականացվում են տարերքի հետեւանքների վերացման աշխատանքներ: