«Հյուսիս-Հարավ» մայրուղու առաջին տեղամասում կամուրջների մի մասի վերանորոգումը կավարտեն 2017 թվականի հոկտեմբերին: Սեպտեմբերի 26-ին մամուլի ասուլիսի ժամանակ այս մասին ասաց տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը: Նրա խոսքով՝ Երեւան-Արտաշատ մայրուղում 7 կամուրջից երեքն անմիջապես կբացվեն, եւս 4-ի վրա լրացուցիչ աշխատանքներ են կատարվում՝ դրանց ճանապարհածածկը եւ դեպի դրանք տանող ստորգետնյա ճանապարհները նորից են ասֆալտապատվում:
«Հյուսիս-Հարավ» 4 ուղեմասով մայրուղին կկրճատի Իրանից մինչեւ Վրաստանի սահման երթուղու ժամանակը, ինչպես նաեւ հեռավորությունը՝ ներկայիս 556-ից մինչեւ 495 կմ՝ մի շարք լեռնային հատվածների հարթեցման եւ նորերի՝ առավել ուղիղ հատվածների կառուցման հաշվին: Շինարարության ընդհանուր արժեքը նախկինում 960 մլն դոլար էր գնահատվում, հիմա՝ մոտ 1,5 մլրդ դոլար:
Մայրուղու շինարարությունը սկսվել է 2012 թվականին, սակայն մինչեւ հիմա ամբողջությամբ պատրաստ չէ նույնիսկ առաջին տեղամասը:
