Թուրքիան շահագրգռված կլինի, որպեսզի ցանկացած մեթոդով զսպի քուրդ-հայկական դաշինքի ձեւավորումը: Այս մասին սեպտեմբերի 26-ին լրագրողների հետ հանդիպման ժամանակ ասաց Միջազգային եւ անվտանգության հարցերի հայկական ինստիտուտի ղեկավար, փորձագետ Ստեփան Սաֆարյանը:
Նրա խոսքով՝ Իրաքի Քուրդիստանում հանրաքվեից հետո Հայաստանը 3 տարբերակ ունի. «Առաջին՝ անցնել Թուրքիայի կողմը եւ չճանաչել Իրաքի Քուրդիստանի անկախությունը, երկրորդ՝ ճանաչել Իրաքի Քուրդիստանի անկախությունը: Սակայն երրորդ տարբերակը առավել իրատեսական է՝ խաղալ այս եռանկյան ներսում, հատկապես որ հանրաքվեից հետո Հայաստանի կշիռը մեծանում է»:
Նախնական արդյունքներով՝ Իրաքի Քուրդիստանում հանրաքվեի մասնակիցների ավելի քան 93 տոկոսը կողմ է քվեարկել շրջանի անկախացմանը:
