Հայաստանի Բնապահպանության նախարարությունը ապօրինի ծառահատումների վերահսկման սարքավորումների ձեռքբերման համար միջազգային գործընկերներին կդիմի: Այս մասին սեպտեմբերի 26-ին՝ մամուլի ասուլիսի ժամանակ, հայտարարել է բնապահպանության նախարար Արծվիկ Մինասյանը:
Նրա խոսքով՝ հատուկ հաշվիչներով հնարավոր կլինի պարզել երբ է ծառը հատվել: Ինչպես եւ նախկինում վառելիքի նպատակով ծառեր հատել կամ փայտ հավաքել կթույլատրեն միայն տեղի բնակիչներին: Կառավարությունն այս դեպքերի համար հատուկ կարգադրություն է ստորագրել:
«Իսկ մենք բռնում ենք հարյուրավոր ծառեր հատողներին: Աղքատության մասին արդարացումներն այս դեպքում անտեղի են: Այդպիսի խոսակցությունները նպաստում են ստվերային բիզնեսի զարգացմանը: Ապօրինի ծառահատումների դեպքում ոչ մի մեղմացուցիչ հանգամանք չի լինի»,-վստահեցրել է նախարարը: