Արաբական պետությունների լիգան կոչ է անում իրաքցիներին հրաժարվել տարաձայնություններից ու սկսել երկկողմանի երկխոսություն՝Իրաքյան Քուրդիստանի անկախացման մասին հանրաքվեից հետո հնարավոր բախումներից խուսափելու համար, հայտնում է AP-ն։
«Կարելի է առաջվա պես զսպել այդ քայլի հետեւանքները, եթե բոլոր շահագրգիռ կողմերն իմաստություն ու պատասխանատվություն դրսեւորեն ու առաջնորդվեն իրաքյան պետության պարամետրերի շրջանակով»,- նշվում է Արաբական պետությունների լիգայի գլխավոր քարտուղար Ահմեդ Աբուլ Գեյթի հայտարարության մեջ։
