Իրաքի Քուրդիստանի եւ Բաղդադի միջեւ վիճելի հարցերը պետք է կարգավորվեն երկխոսության ճանապարհով՝ մեկ պետության մեջ համակեցության բանաձեւը մշակելու համար: Այս մասին հայտարարել է ՌԴ ԱԳՆ-ն՝ կապված Իրաքի Քուրդիստանում սեպտեմբերի 25-ին անցկացված անկախության հանրաքվեի հետ, փոխանցում է ՏԱՍՍ-ը:
«Մոսկվայում հարգանքով են վերաբերվում քրդերի ազգային ձգտումներին: Ելնում ենք այն հանգամանքից, որ Իրաքի դաշնային իշխանությունների եւ Քրդական ինքնավար շրջանի միջեւ բոլոր վիճելի հարցերը կարող են եւ պետք է կարգավորվեն կառուցողական եւ հարգալից երկխոսության ճանապարհով, որը կոչված կլինի միասնական իրաքյան պետության շրջանակում համակեցության փոխընդունելի բանաձեւի մշակմանը»,- նշել են ՌԴ ԱԳՆ-ից:
«Անփոփոխ է մնում մեր աջակցությունը բարեկամական Իրաքի եւ Մերձավոր Արեւելքի երկրների ինքնիշծխանությանը, միասնությանը եւ տարածքային ամբողջականությանը»,- ընդգծել են ՌԴ ԱԳՆ-ում: