Վաշինգտոնում տեղի է ունեցել Թուրքիայի եւ Ադբեջանի կողմից հակահայկական խտրականության եւ բռնության մասին պատմող «Ժխտման ճարտարապետները» փաստագրական ֆիլմի պրեմիերան: Այս մասին հայտնել է Ամերիկայի Հայ դատի հանձնախումբը (ANCA):
Պրեմիերային ներկա են եղել Կոնգրեսի անդամներ Ռալֆ Աբրահամը եւ Հուս Բիլիրակիսը, ինչպես նաեւ Հունաստանի խոհրդարանի անդամ Նոտիս Միտարաչին:
Պրոդյուսերներ Դին Քեյնը եւ Մոնթել Ուիլյամսը Կոնգրեսում մի քանի հանդիպումներ են ունեցել: Հանդիպումներին մասնակցել են նաեւ Վաշինգտոնում Հայաստանի դեսպան Գրիգոր Հովհաննիսյանը, ԱՄՆ-ում ԼՂՀ ներկայացուցիչ Ռոբերտ Ավետիսյանը եւ Հայաստանում ԱՄՆ նախկին դեսպան Ջոն Էվանսը:
«Մոռացված կամ նույնիսկ չճանաչված ցեղասպանությունը շարունակվող ցեղասպանություն է, որը նոր հանցագործությունների սերմն է հանդիսանում»,- ասել է Ուիլյամսը:
ANCA-ի գործադիր տնօրեն Արամ Համբարյանի խոսքով՝ «Ժխտման ճարտարապետները» ֆիլմը Անկարային եւ նրա դաշնակիցներին մարտահրավեր է նետում, որոնք համարձակվում են կաշառել Ամերիկային եւ ստիպում լռել Թուրքիայում միլիոնավոր հայերի եւ այլ քրիստոնյաների դեմ անպատիժ ցեղասպանության մասին:
