Porsche ավտոարտադրողի վարչության նախկին անդամ Վոլֆգանգ Հացին նախնական պահման մեկուսախուց են տարել «դիզելային սկանդալի» գործի շրջանակում:
Նախկինում նա ստիպված էր ընկերությունից հեռանալ հենց «դիզելգեյթի» հետ կապված:
Թոփ մենեջերի կալանավորմանը զուգահեռ այս գործով խուզարկություններ են կատարվել 2 վայրում, որոնց մասին կոնկրետ չի հաղորդվում: Դատախազությունը դիզելային շարժիչների արատնետումների տվյալների մանիպուլյացիաներին մասնակցելու մեջ կասկածվողների շրջանակն ընդլայնել է, փոխանցում է DW-ն:
2015 թվականի սեպտեմբերին ԱՄՆ իշխանություների նախաձեռնած հետաքննության հետեւանքով VW-ն ստիպված էր ընդունել, որ ամբողջ աշխարհում վաճառվել է 11 մլն ավտոմեքենա ծրագրային ապահովմամբ, որը թույլ է տվել էկոլոգիական ստանդարտներին շարժիչների համապատասխանության թեստերը մանիպուլացնել: Իրականում VW-ի դիզելային ավտոմեքենաների մշակած գազից աղտոտումը 40 անգամ գերազանցել է թույլատրելի նորման: Սկանդալ էր հարուցել շուկայից կոնցեռնի արտադրանքի զանգվածային հետկանչը տեխնիկական կեղծումը վերացնելու համար եւ հանգեցրել ընկերության կողմից միլիարդների հասնող փոխհատուցման վճարման:
