Էլեկտրամոբիլի միջոցով կարելի է 4 անգամ ավելի քիչ վառելիք ծախսել: Այս մասին NEWS.am- ի թղթակցին DigiTec տեխնոլոգիական ցուցահանդեսին հայտնել է մասնավոր ձեռներեց Դավիթ Գեւորգյանը:
2 տարի առաջ նա իր մեքենայի շարժիչը էլեկտրականով է փոխարինել եւ մեքենան «վերածնվել է»: Ավտոմեքենայի կապոտը չբացելու դեպքում, անհնար է գուշակել, որ ձեր առջեւ էլեկտրոմոբիլ է:
«Այսինքն՝ կարելի է չսպասել, որ այստեղ սկսեն էլեկտրոմոբիլներ վաճառել, այլ ինքնուրույն նոր շարժիչ դնել: Իմ մեքենայի օրինակով ես դա ապացուցեցի», - ասել է Դավիթը:
Ակումուլյատորը հարկավոր է հոսանքով լիցքավորել, սական եթե բենզինի հետ համեմատենք, վառելիքի ծախսերը 4 անգամ նվազում են:
«Ավտոմեքենան այս դեպքում ավելի քիչ է մաշվում», - հավելել է Գեւորգյանը: