Ո չ մի ապացույց չկա, որ Լաս Վեգասից հրաձիիգը կապեր ուներ ահաբեկչական խմբավորումների հետ։ Reuters-ն այս մասին հայտնել է՝ վկայակոչելով երկու բարձրաստիճան ամերիկացի պաշտոնյաների ։

Գործակալության աղբյուրներից մեկը հերքել է ԻՊ-ի պնդումները, որը պատասխանատվություն է ստանձնել Լաս Վեգասում տեղի ունեցած հրաձգության համար։ Նրա խոսքով՝ կան պատճառներ ենթադրելու, որ 64-ամյա Սթիվեն Փեդդոնը հոգեկան խնդիրներ ուներ։

Հրաձգությունը տեղի է ունեցել կիրակի երեկոյան՝ երաժշտական փառատոնում, որն անցնում էր Լաս Վեգասում՝ օդանավակայանի ու Mandalay Bay հյուրանոց- խաղատան միջեւ ընկած տարածքում։ Հրաձգության հետեւանքով զոհվել էր ավելի քան 50 ու տուժել ավելի քան 40 մարդ։

Հանցագործը կրակ էր բացել հյուրանոցի 32-րդ հարկից ։ Հրաձգության պահին բացօթյա համերգում ներկա էին գտնվում տասնակ հազարավոր մարդիկ։ Ոստիկանության տվյալներով՝ կրակը բացել էր 64-ամյա Սթիվեն Փեդոկը, որը ինքնասպան է եղել մինչեւ ոստիկանների ժամանելը։

ԻՊ-ն պատասխանատվություն էր ստանձնել միջադեպի համար, հայտնելով, որ Փեդոկը իբրեւ իսլամ էր ընդունել։