Բրազիլիայում ոստիկանությունը կալանավորել է 16 մարդու, ովքեր պլանավորել էին երկրի պատմության մեջ խոշորագույն բանկային կողոպուտը: Կողոպտիչները մտադիր էին Սան Պաուլոյում Banco do Brasil պետական բանկի պահեստից գողանալ 318 մլն դոլար, գրում է Bloomberg-ը:
Այդ նպատակով նրանք 600 մ երկարությամբ ստորգետնյա թունել էին փորել, որը հատուկ մետաղական կառուցվածքով էին ամրացրել, ճանապարհներ էին փորել եւ էլեկտրականություն անցկացրել: Պահեստին հասնելու համար եւս մի քանի ժամ էր պահանջվում աշխատել, սակայն ոստիկանությունը ձերբակալել էր հանցագործներին:
Ի դեպ, նախապատրաստական աշխատանքների համար կողոպտիչները ծախսել էին ավելի քան 1 մլն դոլար:
