Իռլանդիայի Կորկ քաղաքի դպրոցներից մեկում անբացատրելի երեւույթ է նկարահանվել տեսահսկման խցիկներով, հայտնում է Mirror-ը:
Տեսանյութի սկզբում միջանցքի հեռավոր մասում բացվում է դասասենյակներից մեկի դուռը: Որոշ ժամանակ անց դուռը փակվում է: Հետո սկսում է ճոճվել դպրոցական պահարաններից մեկը: Այնուհետեւ կադրերում երեւում է, թե ինչպես է բացվում պահարանի դարակներից մեկը, որից դպրոցական պարագաներ են թափվում: Տեսանյութի վերջում անբացատրելի բան է պատահում նաեւ հատակին եղած նախազգուշացնող վահանակի հետ:
Տեսանյութը հրապարակվել է ուսումնական հաստատության Facebook-ի պաշտոնական էջում:
«Որեւէ մեկն ունի՞ ուրվականների որսորդների հեռախոսահամարը»,- նշված է տեսանյութի մեկնաբանության մեջ:
Միջադեպը, ինչպես երեւում է տեսանյութում, տեղի է ունեցել հոկտեմբերի 1-ին:
