Հոկտեմբերի 8-ին՝ ժամը 12.45-ին, Ոստիկանության Երեւան քաղաքի վարչության օպերատիվ կառավարման կենտրոնից ոստիկանության Վարդենիսի բաժնում հաղորդում է ստացվել, որ իրենց է զանգահարել մի քաղաքացուհի եւ հայտնել, որ Շատվան գյուղում անհայտ ավտոմեքենայի վարորդը վրաերթի է ենթարկել իր մորն ու դիմել փախուստի:
Մեկնած օպերատիվ խումբը պարզել է, որ նույն օրը՝ ժամը 12.40-ի սահմաններում, Շատվան գյուղի կենտրոնական խճուղում «ԳԱԶ 31029» մակնիշի ավտոմեքենայի վարորդ, 38-ամյա Նիկոլայ Մ.-ն վրաերթի է ենթարկել 60-ամյա Գայանե Գ.-ին, որը մարմնական վնասվածքով տեղափոխվել է հիվանդանոց:
Կատարվում է քննություն:
